ජනාධිපතිවරයාගේ කතාව සමස්තයක් විදියට ගත්තොත් හොඳයි. ඒ වගේම ඒකේ ගන්න වැදගත් කරුණු දෙකක් තියෙනවා. ජනාධිපතිවරයා තමන්ගේ කතාවේදී කිව්වා 2020 ආණ්ඩු හදන්නේ අපි කියලා. මොකද කිසිදු පක්ෂයකට බහුතර බලයක් ගන්න අවස්ථාවක් නැහැ. අපට මැතිවරණ ගැන අනාවැකි කියන්න බැරි වුණත් දැනට තියෙන තත්ත්වය අනුව බහුතර බලයක් ගන්න තියෙන්නේ සීමිත ඉඩක් . ඒ කියන්නේ සන්ධානයක් හැදෙන්න ඔ්නේ. ජනාධිපතිවරයා 2020 ආණ්ඩු හදන්නේ අපි කියන කතාවෙන් තේරුම් යන්නේ කේවල් කිරීම. එතකොට පොහොට්ටුවට හෝ අලියට හෝ සීනුවට හෝ ශ‍්‍රීලනිපය සමඟ සන්ධානගත වෙන්න වෙනවා.
ජනාධිපතිවරයාගේ කතාවේ තවත් වැදගත් කරුණක් තමයි මීළඟ ජනාධිපති ධුරය. හැමෝම ජනාධිපති සටනේ හිටියත් 19 වැනි ආණ්ඩුක‍්‍රම ව්‍යවස්ථා සංශෝධනයෙන් ජනාධිපතිවරයාගේ බලතල අඩුවුණා. ඒ අනුව වැඩි බලතල තියෙන්නේ අගමැතිවරයාට. ජනාධිපතිවරණය ගැන කලබල නොවෙන කතාවක් වැදගත් වෙන්නේ ඒ නිසා. පොහොට්ටුවේ ජනාධිපතිවරණ ව්‍යාපාරය බැලුවත් එය තේරුම් ගන්න පුළුවන්. මොකද එතැනදී වුණත් වැඩිය හයිලයිට් කරන්නේ හිටපු ජනාධිපති මහින්ද රාජපක්ෂ. මහින්ද රාජපක්ෂ අගමැති කිරීම.
ඡායාරූපය ලංකාදීප
