තවත් නිදහස් මුහුදට මුහුණ ලා ගාලූ මුවදොර පිටියේදී සැමරීම සඳහා සියලූ කටයුතු සූදානම්ය. වත්මන් ආණ්ඩුවට ඔවුන් විසින් ගන්නා තීරණව නිවැරැුදිව ජනතාව වෙත සන්නිවේදනය කිරීමට නොහැකි බව නැවතත් නැවතත් පෙන්නුම් කළේය. පොලිසිය කි‍්‍රයාකාරකම් නිසා ද ආණ්ඩුවට කෙරෙහි ඇති අප‍්‍රසාදය ක‍්‍රමයෙන් වැඩි වී ඇත.
ඒ සියල්ලටම වඩා අද අපි නිදහස කියා සමරන්නේ කුමක් ද. 1948 දී බි‍්‍රතාන්‍යයන්ගෙන් ලද නිදහස අපි කිසිදු විටෙක අර්ථාන්විත නිදහසක් බවට පත් කරගත්තේ නැත. 1972 ජනරජයක් බවට පත්වීමෙන් පවා අප කරගත්තේ 48 ද 72 ද යනුවෙන් විවාදයක් ඇති කරගැනීම පමණි. එහෙත් ඉන්දියාව ඊට හාත්පසින්ම වෙනස් ගමනක් ගොසින්ය.
අපි නිදහස ලබන විට ජපානය පරමාණු බෝම්බ දෙකකින් බැට කා හෙම්බත්ව සිටියේය. චීනය රතු විප්ලව, සංස්කෘතික විප්ලව සිදු කරමින් සිිටියේය. එහෙත් අද ඉන්දියාව, චීනය හා ජපානය කොයිද සිටින්නේ යන්න සොයා බැලිය යුතුය.
අපි වසර 68ක් නිදහස ලෙස අර්ධ නිදහසක් සැමරුවා මිස කරන ලද අන් යමක් නැත. වසර 30ක සිවිල් යුද්ධයක මතක, තරුණ කැරැුලි දෙකක මතක භීෂණවල මතක නිරන්තරයෙන් සුන්බුන් මත අපි පය තබමින් සිටිමු.
ඉකුත් ජනවාරි 08 වැනිදා යහපාලනය ඉදිරියට තබමින් පත් වූ ආණ්ඩුව වැනෙන ආණ්ඩුවක් බවට පත් ව සිටියි. ඞීල දමමින් සිටියි. නීතිය එක් තැනක-දී එක් ආකාරයකටත් තවත් තැනකදී තවත් ආකාරයකටත් කි‍්‍රයාත්මක කරමින් සිටියි.
දැන් හෝ මේ රට එක්සේසත් කළ යුතුය. නිදහස් රටක් බවට පත් කළ යුතුය. ඒ සඳහා එක් පරම්පරාවට කැපකීරිමක් කිරීමට සිදුවනු ඇත. අද ජීවත්වන පරම්පරාව නියත වශයෙන්ම ඒ කැපකිරීම සිදු කළ යුතුය. ඒ කැපකිරීමේ ප‍්‍රතිලාභ භූක්ති විඳින්නේ අනාගත පරම්පරාවන්ය. ඔවුන්ගේ දරු මුණුපුරන්ය. සහෝදර සහෝදරියන්ය.
නිදහස් දිනයට හමුදා ආචාර පෙළපාලී විදෙස් රටවල නිපදවන ලද ආයුද ලොවට පෙන්වනවාට වඩා යමක් කළ යුතුය. සංහිඳියාව ඇති කිරීමට ආණ්ඩුව දැඩි තීරණ ගත යුතුය. ජාතික ගීය දෙමළ බසින් ගැයීමට ගත් තීරණය ඉන් එකකි. ඊට ගෞරවය හිමි විය යුතුය.
නිදහස යනු හුදෙක් දිනකට සීමා වූවක් නොවන බව පාලකයන් තේරුම් ගත යුතුය. රටේ සෑම පුරවැසියකුගේම ජීවත්වීමේ අයිතිය සුරක්ෂිත කිරීම නිදහසය. ස්ව අභිමානයෙන්, ආත්ම ගරුත්වයෙන් ජීවත්වීමේ අයිතිය සුරක්ෂිත කිරීම නිදහස බව පාලකයෝ අවබෝධ කරගත යුතුය. භාෂණයේ නිදහස, අදහස් ප‍්‍රකාශ කිරීමේ නිදහස, තමන් කැමැති රක්ෂාවක් කිරීමේ නිදහස, තමන් කැමැති විෂයක් ඉගෙන ගැනීමට ඇති නිදහස මේකී නොකී බොහෝ ප‍්‍රජාතන්ත‍්‍රවාදී සමාජයක මූලික ලක්ෂණ ආරක්ෂා වන නිදහසක් උදා කරගැනීම අප සියලූ දෙනාගේම වගකීමක් වන්නේය.
හර්ෂණ තුෂාර සිල්වා
2016.02.02
