මත්පැන් අලෙවිය හා කාන්තාවන් සම්බන්ධ දශක ගණනක් පැරැණි
නීතිරීති ඉවත් කිරීමටත් මංගල සමරවීර අමාත්‍යවරයාගත් තීරණයත් ඉන් දින කිහිපයකට එම
තීරණය සම්බන්ධයෙන් ජනාධිපතිවරයා ගන්නා ලද තීරණයත් මෙරට මුද්‍රිත, විද්‍යුත් හා අන්තර්ජාල මාධ්‍ය
පමණක් නොව සමාජජාලවලට ප්‍රධාන මාතෘකාවක් බවට පත්ව තිබේ. එය දේශීය පමණක් නොව විදෙස්
පුවත්සේවාවවලට අවධානය දිනාගැනීමට සමත් වූ මාතෘකාවක් බවට පත්ව තිබේ.
මත්පැන් අලෙවිසැල්වල් කාන්තාවන් සේවය කිරීම සහ
කාන්තාවන්ට මත්පැන් අලෙවි කිරීමේ නීතිරිති ලිහිල් කිරීමත් මත්පැන් අලෙවිසැල් විවෘත කර තැබෙන වේලාවන්
වෙනස් කිරීමට මංගල සමරවීර මුදල් අමාත්‍යවරයා පියවර ගත්තේ පසුගිය සතියේදීය. ඒ
වෙනුවෙන් ගැසට් පත්‍රයක් නිකුත් කිරීමට ද මුදල් අමාත්‍යාංශය කටයුතු කර තිබිණි. එම
ක්‍රියාමාර්ගය නවතා දමමින් ගැසට් පත්‍රයක් නිකුත් කරන බව ජනාධිපතිවරයා මැතිවරණ
රැලියකදී පැවසීය.
මත්පැන්,
යනු ආර්ථිකමය වශයෙන් රජයට ආදායම් උපයා දෙන්නකි. සෞඛ්‍ය
තත්ත්වය අතින් බැලූ විට මත්පැන් යනු එතරම් හිතකර දෙයක් නොවුණ ද ඈත අතීතයේ සිට මත, මත්පැන්
ගැන කතා ඕනෑ තරම් අපට අහන්නට කියවන්නට තිබේ. ඒ නිසා මත්පැන් තුරන් කිරීම යනු සිදු
නොවන්නක් බව පැහැදිලිය. මත්පැන් පානය කරන්නේ නැද්ද යන තෝරා ගැනීම ඒ ඒ පුද්ගලයාගේ
කැමැත්ත මත තීරණය වන්නකි.
මුදල් අමාත්‍යාංශය අදාළ තීරණය
ගැනීමේ එක් සාධකයක් වනුයේ ආදායම් ඉපැයීමය. කාන්තා රැකියා අවස්ථා ඉහළ යෑමය.
ආර්ථිකයමය අතින් ප්‍රතිලාභ කිහිපයක් ඉහත කී තීරණ නිසා ලැබෙන්නේය. ඒ අතරවාරයේදී
මුදල් අමාත්‍යවරයා තවත් කතාවක් කියා තිබේ. එනම් කාන්තාවන් වෙනුවෙන් කියා වෙනම නීති
නොතිබිය යුතුය. ඇත්තය.
ශ්‍රී ලංකා ප්‍රජාතන්ත්‍රවාදී
සමාජවාදී ජනරජයේ ආණ්ඩුක්‍රම ව්‍යවස්ථාව අනුව සෑම පුද්ගලයකුටම සමානව සැලකිය යුතුය.
ඒ අනුව ස්ත්‍රී පුරුෂ තත්ත්වය අනුව නීති පැනවිය නොහැකි වන්නේය. එසේ බලන කළ
ජනාධිපතිවරයා කාන්තාවන්ගේ මූලික අයිතිවාසිකම් උල්ලංඝණය කර තිබේ. මෙතෙක් කලක් එවැනි
නීති පවත්වාගෙන පැමිණීමෙන් අප කර ඇත්තේ බලවත් වරදකි. මූලික අයිතිවාසිකම් උල්ලංඝණය
කිරීමේ යටතේ පැවැති සෑම ආණ්ඩුවකටම එරෙහිවම නීතිමය පියවර ගත යුතුය.
ඡායාරූපය ලක්රුවන් වන්නිආරච්චි (ඒ.එෆ්.පී-) LAKRUWAN WANNIARACHCHI/AFP/GETTY IMAGES
No comments:
Post a Comment