වත්මන් දේශපාලන අර්බුදය පෞද්ගලික හෝ පක්ෂ පාට හෝ කවුරුන්ද අගමැති යන වග හෝ පිළිබඳව ගැටලුවක් නොවන බව නැවත නැවතත් සිහිපත් කළ යුතුව ඇත. මහින්ද රාජපක්ෂ මහත අගමැති ධුරය හෙබවුවද රනිල් වික්‍රමසිංහ මහතා අගමැති ධුරය හෙබවුවද වෙනයම් අයෙක් අගමැති ධුරය හෙබවුවද එසේ ධුරය දැරිය යුත්තේ නිශ්චිත ක්‍රමවේදවලට අනුව. සරලවම ආණ්ඩුක්‍රම ව්‍යවස්ථාවේ දක්වා ඇති ප්‍රතිපාදනවලට අනුවය. ඒ නිසා මේ ව්‍යවස්ථා විරෝධී ක්‍රියාව කිසි ලෙසකින්වත් සාධාරණීය නොකළ යුතුය. ජනාධිපතිවරයාගේ මෙම ව්‍යවස්ථා විරෝධී ක්‍රියාව සාමාන්‍යකරණය කිරීමෙන් සහ සාධාරණීයකරණය කිරීමෙන් අනාතගයේදී මීට වඩා අනුට විපකා විඳින්නට සිදුවනු ඇත. ඒවා අදට වඩා බෙහෙවින් දරුණු වනු ඇත. එ නිසා මේ ව්‍යවස්ථා විරෝධි ක්‍රියාව විරෝධයට පළ කළ යුතුය.