එක් වතාවකදී නොව පිට, මසකටත් අඩු කාලයකදී ජනාධිපති මෛත්‍රිපාල සිරිසේන මහතා බරපතළ අයුරින්, මෙතෙක් නොවූ අයුරින් ආණ්ඩුක්‍රම ව්‍යවස්ථාව නොතකා කටයුතු කරමින් අනාගතයට වැරැදි පූර්වාදර්ශ ලබා දී තිබෙන අතර කිසිදු අයුරකින් මෙම වැරැදි නිවැරැදි නොවන බව සියලු පාර්ශව සිහි තබා ගත යුතුය. මහින්ද රාජපක්ෂ මහතා අගමැති ලෙස පත් කළ අවස්ථාවේදී ඔහුගේ පාක්ෂිකයන්, ආධාරකරුවන් බොහෝ දෙනා සතුටට පත්වූහ. රනිල් වික්‍රමසිංහ මහතා නැවත අගමැති කළේ නම් ඔහුගේ පාක්ෂිකයන් එසේ සතුටට පත්වනු ඇත. එහෙත් එම පාර්ශව දෙක මෙන්ම අප ඇතුළු අන් සියලු දෙනාම තේරුම් ගත යුතු කරුණ වනුයේ මේ රටේ වැරැදි වනවිටදී වැරැදි යැයි පසුබට නොවිය යුතුය යන්නයි. බලය වෙනුවෙන් සහ තමන් නිවැරැදි යැයි සනාථ කිරීමෙන් මහින්ද රාපජක්ෂ පාර්ශව සහ එම පාක්ෂිකයන් වරද වරදක් නැති බව කියන්නට වූහ. එහෙත් අවසානයේදී ඔවුන්ගේ සතුට තාවකාලික සතුටක් බවට පත්විය. එම නිසා මේ රටේ ජනතාව පක්ෂ පාට ආදී ඕනෑම භේදයකින් තොරව නිවැරැදි දේ නිවැරැදි ලෙස දකින්නටත් වැරැදි දේ වැරැදි දේ ලෙසත් දකින්නට හුරු පුරුදු විය යුතුය.