2018.11.16
මෛති‍්‍රපාල සිරිසේන
අතිගරු ජනාධිපති
ශ්රී ලංකා ප‍්‍රජාතන්ත‍්‍රවාදී සමාජවාදී ජනරජය
ජනාධිපතිතුමනි,
දින ගණනාවක් මුළුල්ලේ පවතින අස්ථාවර, අශ්ශීල, නින්දිත හා කනගාටුදායක තත්ත්වය මධ්‍යයේ මෙසේ ලියන්නට කල්පනා කළෙමි. ලිපිය ලියන්නට සරල බස් වහරක් සහ තාක්ෂණික වචන අඩුවෙන් යොදගන්නටත් මා කල්පනා කළ අතර එය ඔබේත් මගේත් පහසුවට හේතුවනු ඇත. යම්කිසි අවිනිශ්චිත, තේරුම් නොයන කරුණක් ඇති නම්, හිටපු අගවිනිසුරු සරත් එන්. සිල්වා, ඔබේ උපදේශක නීතිඥ ශිරාල් ලක්තිලක සහ ඔබ වටා සිටින ආණ්ඩුක්රම ව්‍යවස්ථාවට සිත් සේ අර්ථකතන දෙන නීති විශාරදයන්ගෙන් අර්ථකතන ගෙන තේරුම් ගන්නැයි ඉල්ලා සිටිමි.
මීට සති තුනකට පෙර ඔක්තෝබර් 26 වැනිදා සිකුරාදා පස්වරුවේ අග්රාමාත්ය රනිල් වික්රමසිංහ මහතා එම ධුරයෙන් ඉවත් කර හිටපු ජනාධිපති මහින්ද රාජපක්ෂ මහතා එම ධුරයේ පිහිටුවීමට ඔබ කටයුතු කළේය. ව්‍යවස්ථානුකූලව, නීත්‍යනුකූලව මෙන්ම සදාචාර සම්පන්න ලෙසද එය වැරැුදි කි‍්‍රයාවක් බව ඔබත්, ඔබ වටා සිටින ඔබට උපදෙස් දෙන සියලූ දෙනාත් මහින්ද රාජපක්ෂ මහතා ඇතුළු ඔහුගේ කණ්ඩායමේ සියල්ලෝමත් දන්නා බව රහසක් නොවේ. එය තමන් තමන්ගේ හෘදය සාක්ෂිය විසින්ම පවසනු ඇත. කෙසේ නමුත් ඔබත් ඉහත කී කිසිවකුත් එය පිළිනොගන්නා බව මම දනිමි. ඔබ හෝ ඉහත කී කිසිවකුවත් එය ප‍්‍රසිද්ධියේ නොපවසන බව ද මම දනිමි. මම පමණක් නොවන තවත් බොහෝ දෙනා එය සක් සුදක් සේ දනිමි.
ඔබ රනිල් වික්රමසිංහ මහතා ධුරයෙන් ඉවත් කරන්නේ ඔහුත් සමඟ තිබෙන පෞද්ගලික අමනාපයක් නිසා බව දැන් හොඳින් පැහැදිලිය. ඔබ ඔහුට පෞද්ගලිකව අගමැති වූ පමණින් සිතු සිතූ පරිදි ආණ්ඩුක්රම ව්‍යවස්ථාව උල්ලංඝණය කළ නොහැක. ඔබට අවශ්‍ය වෙලාවට අගමැතිවරයා ඉවත් කිරීමටත් අගමැතිවරයකු පත් කිරීමටත් නොහැක. ඒ සඳහා නිසි ක‍්‍රමවේදයක් ඇත. මෙය ලියන මම කිසිදු අවස්ථාවකදී එක්සත් ජාතික පක්ෂයට ඡුන්දය ප්රකාශ කර නොමැති අතර එම පක්ෂයේ පාක්ෂිකයකු හෝ රනිල් වික‍්‍රමසිංහවාදියකු ද නොවේ. ඒ නිසා අග‍්‍රාමාත්‍යවරයකු පත් කරන ආකාරය මෙන්ම ඉවත් කරන ආකාරය ආණ්ඩුක්රම ව්‍යවස්ථාවේ පැහැදිලිව දක්වා ඇත. අනෙක් අතට එක්සත් ජනතා නිදහස් සන්ධානය ආණ්ඩුවෙන් ඉවත් වූ පමණින් කැබිනට් මණ්ඩලය විසිරී යන්නේ නැත. පාර්ලිමේන්තුවේ වැඩිම ආසන සංඛ්‍යාවක් හිමි පක්ෂය සහ අනෙකුත් පක්ෂ එකතු වීමෙන් ජාතික ආණ්ඩුවක් නිර්මාණය වන අතර වත්මන් පාර්ලිමේන්තුවේ වැඩිම ආසන සංඛ්‍යාවක් ඇත්තේ එක්සත් ජාතික පක්ෂයටය. එසේත් නැතිනම් එක්සත් ජාතික පෙරමුණටය. ජාතික ආණ්ඩුව නිර්මාණය වන්නේ ඒ අනුවය. එක්සත් ජාතික පෙරමුණ, එක්සත් ජනතා නිදහස් සන්ධානය සහ මුස්ලිම් කොංග‍්‍රසය ජාතික ආණ්ඩුවේ පාර්ශවකරුවෝ වන්නාහ. ඒ අනුව එක්සත් ජනතා නිදහස් සන්ධානය ආණ්ඩුවෙන් ඉවත් වූ පමණින් කැබිනට් මණ්ඩලය හෝ ජාතික ආණ්ඩුව විසිරී යන්නේ නැත.
මහින්ද රාජපක්ෂ මහතා අග්රාමාත්යවරයා ලෙස පත් කිරීමේ සිට ඔබ ගන්නා ලද කි‍්‍රයාමාර්ග සියල්ලම වැරැුදියි. ආණ්ඩුක්රම ව්‍යවස්ථාවට පටහැණිය. අනීතිකය. සදාචාර විරෝධීය.
මට මහින්ද රාජපක්ෂ සමඟ කිසිදු පෞද්ගලික අමනාපයක් නොමැත. තිස් වසරක යුද්ධය අවසන් කිරීමේදී ඔහුගේ දේශපාලන නායකත්වය අගය කළ යුතුය රතන ස්වාමීන් වහන්සේ සහ ජනතා විමුක්ති පෙරමුණ යුද වදිමි යැයි කීවට මහින්ද රාජපක්ෂ මහතා යුද්ද කරන්නේ ලබ්බෙන්ද ඇසූ බව දේශපාලන සමාජයේ පවතින ප‍්‍රසිද්ධ රහසකි. කෙසේ වෙතත් මහින්ද රාජපක්ෂ මහතා සහ එම ආණ්ඩුව, ගෝඨාභය රාජපක්ෂ ආරක්ෂක ලේකම්වරයා, සරත් ෆොන්සේකා නැමැති හමුදාපතිවරයා, රනිල් වික්රමසිංහ ප්රමුඛ විපක්ෂය, මෙරට ජනතාව සහ මෙරට ති‍්‍රවිධ හමුදාව සිවිල් යුද්ධය, යුදමය වශයෙන් අවසන් කළේය. එහි ගෞරවය එම වකවානුවේදී මෙරට ජීවත් වූ සෑම පුරවැසියකුටම, කුඩා දරුවකුටම සහ මවුවරුන්ගේ ගර්භාෂවල සිටි එකිනොකී සියලූ දෙනාට හිමිවිය යුතුය. එහෙත් එයින් වඩාත් ඉදිරියට පැමිණෙන්නේත් කීර්තියට පත්වන්නේත් දේශපාලන නායක්තවයයි.
ඒ අනුව මහින්ද රාජපක්ෂ මහතා සන්නාමයක් බවට පත්වෙන්නේ එතැන් සිටය. අදටත් ඔහු ශ්රී ලංකාවේ ජනපි‍්‍රයතම දේශපාලනඥයා වන්නේය. අනුසහ් ඇති නායකයා වන්නේය. සිවිල් යුද්ධය යුදමය අවසන් කිරීමේ ගෞරවය මෙන්ම රට තුළ ධනාත්මක, ස්ථාවර සහ තිරසර සාමයක් ඇති කරමින් රට සංවර්ධනය කරා ගෙන යෑමට මහින්ද රාජපක්ෂ මහතාට ස්වරණමය අවස්ථාවක් හිමිව තිබිණි. එහෙත් ඔහුත් ඔහුගේ කි‍්‍රයාමාර්ගත් නිසා ඔහුගේ දෙවැනි ධුර කාලයේ ඔහුට හිතැති බොහෝ දෙනාගෙන්ම ඔහුට විරෝධය එල්ල වන්නට විය. එහි ප‍්‍රතිඵලයක් වශයෙන් තම දෙවැනි ධුර කාලයේ වසර දෙකක් තිබියදීම ජනාධිපති ධුරයෙන් ඉවත් ව යෑමට මහින්ද රාජපක්ෂ මහතාට සිදුවිය.
එහි ප‍්‍රතිඵලයක් ලෙස ඔබ, ජනාධිපති මෛති‍්‍රපාල සිරිසේන ජනාධිපතිවරයා බවට පත්විය. ඔබට ඡුන්දය දුන් මම ද ඇතුළු සමස්ත ජනතාව එසේ ඡුන්දය ප්රකාශ කරන්නේ ලද්දේ ඔබට ඇති කැමැත්තක් නිසා මහින්ද රාජපක්ෂ පාලන සමයේදී, විශේෂයෙන්ම දෙවැනි ධුර කාලයේ අවසන් සමයේදී සිදු වූ විනාශයට විරෝධය පළ කිරීමක් ලෙසය. අනෙක් අතට එය මහින්ද රාජපක්ෂ මහතාට විරුද්ධ වීමක්, දේශපාලන ප‍්‍රතිපත්ති සම්බන්ධ කාරණාවකි. අදටත් මහින්ද රාජපක්ෂ මහතා යනු මගේ පෞද්ගලික පි‍්‍රයතාව ඇති දේශපාලනඥයෙකි. ඔහුත් සමඟ මට කිසිදු පෞද්ගලික අමනාපයක් හෝ වෛරයක් නොමැත.
හැට දෙලක්ෂයක් ජනතාව ජනවාරි 8 වැනිදා ඔබට ඡුන්දය දුන්නේ ප‍්‍රතිසංස්කරණ කරමින්, යහ සමාජයක්, සාධාරණ සමාජයක්, යහපාලනයක් ගෙන එමින් යහපත් රටක් ඇති කිරීමට අඩිතාලම දැමීමටය. පසුගිය වසර තුනක කාලයේදී ජනතාවගේ කුසට දැනෙන යමක් සිදු නොවූවද රටේ අනාගතයට, ප‍්‍රජාතන්ත‍්‍රවාදී සමාජයකට හේතුවන අණ පනත් කිහිපයක්ම සම්මත වූ බව සිහිපත් කළ යුතුය. කෙසේ නමුත් ඔබත්, රනිල් වික්රමසිංහ මහතාත් 2015 වසරේ ජනවාරි 9 වැනිදා සිටම ජනවරමට පිටුපාමින් කටයුතු කළ බව සිහිපත් කළ යුතුය. මහින්ද රාජපක්ෂ මහතාගේ පාලන සමයේදී මහ බැංකුවේ වංචා ¥ෂණ සිදු වූ බව නොරහසකි. බැඳුම්කර වංචා සිදු වූ බව නොරහසකි. එහෙත් 2015 ජනවාරි 8 වැනි දිනෙන් පසුත් එම කි‍්‍රයා අඛණ්ඩව සිදුවිය විය. අද එක්සත් ජාතික පක්ෂය පසුපස එන්නේ එම කරුමයයි.
‘සිරිසේනxවික්රමසිංහ’ ජාතික ආණ්ඩුව කරන ලද සෑම හොඳ, රටට හිතකර යහපත් කි‍්‍රයාවකම ගෞරව ඔබ දෙපළට හිමිවිය යුතුය. ඒ පිළිබඳව විවාදයක් නොමැත. කැබිනට් මණ්ඩලයේ ප‍්‍රධානියා ලෙසත්, රටේ නායකයා ලෙසත් වැරැුදි තීරණ සියල්ලේ වගකීම ද ඔබ ඇතුළු එම ආණ්ඩුවේ සියලූ දෙනාම බාර ගත යුතුය. එයින් බැහැර වීමට ඔබට කිසිසේත්ම නොහැකිය. මේ කරුණු සියල්ල මධ්‍යයේ පසුගිය ඔක්තෝබර් 26 වැනිදා ඔබ ගන්නා ලද තීරණය මේ රට අර්බුදයෙන් අර්බුදයකට ඇද දැමීය. පසුගිය දින දෙකක කාලයේදී පාර්ලිමේන්තුවේ හැසිරීම ලැජ්ජා සහගතය. නින්දිතය. අශීලාචාරය. මේ තීරණය වෙමින් තිබෙන්නේ ඔබේ අනාගතය නොව අපේ අනාගතය බව අවධාරණය කරනු කැමැත්තෙමි.
මහින්ද රාජපක්ෂ මහතා ජනතා ඡුන්දයෙන් හෝ පාර්ලිමේන්තුවේ බහුතර මන්ත‍්‍රීවරුන්ගේ කැමැත්තෙන් රටේ අගමැති ධුරයට පත්වන්නේ ද එසේ විය යුතුය. ඒ පිළිබඳව මගේ කිසිදු විරෝධයක් නැත. රටේ ප‍්‍රජාතන්ත‍්‍රවාදයට ගරු කරන සියලූ දෙනාගේ කැමැත්ත ද එයයි. මහින්ද රාජපක්ෂ මහතා නොව, පාර්ලිමේන්තුවේ වෙනත් ඕනෑම අයකුට වුවද අග්රාමාත්ය ධුරයට පත්විය හැකි නමුත් ඒ සඳහා අනුගමනය කළ යුතු නිශ්චිත ක‍්‍රමවේදයක් තිබේ. ඒ නිසා අග‍්‍රාමාත්‍යවරයකු ඉවත් කරන්නේ ද පත් කරන්නේ ද යන්න තීරණය කළ යුතු ක‍්‍රමවේදයක් තිබේ. පෞද්ගලික අමනාපකම් මැද අග්රාමාත්යවරයා ඉවත් කිරීම හෝ පත්කිරීමට ඔබට හැකියාවක් නැත.
පාර්ලිමේන්තුව විසුරුවා හැරීමට ඔබ ගත් තීරණය ද වැරැුදිය. ආණ්ඩුක්රම ව්‍යවස්ථාවට පටහැණිය. නීතිවිරෝධීය. සදාචාර විරෝධීය. ශ්‍රේෂ්ඨාධිකරණයට පෙත්සම් ඉදිරිපත් වූයේ මැතිවරණයක් පැවැත්වීමට විරුද්ධව නොව අනීතික, ප්රජාතන්ත්ර විරෝධී හා සදාචාර විරෝධී ලෙස පාර්ලිමේන්තුව විසුරුවා හැරීමට විරුද්ධවය. පසුගිය සති තුනක කාලයේදී ඔබ ගන්නා ලද තීරණ නිසා මේ රට අවුලෙන් අවුලට පත්ව ඇත.
නිසි ක්රමවේදවලට අනුව අග‍්‍රාමාත්‍යවරයකු පත් කිරීම, පාර්ලිමේන්තුව විසුරුවා හැරීම හා මහ මැතිවරණයක් පැවැත්වීමට මමත් ප‍්‍රජාතන්ත‍්‍රවාදයට ගරු කරනු කිසිවකුත් විරුද්ධ නැත. අනෙක් අතට මේ රටේ සර්ව සුබ, සර්ව සම්පූර්ණ හා පාරිශුද්ධ දේශපාලනඥයන් නැත. එබැවින් මහින්ද රාජපක්ෂ මහතා නිසි ක්රමවේදවලට අනුව අග්රාමාත්ය ධුරයට පත්වීම පිළිබඳවට ප‍්‍රජාතන්ත‍්‍රවාදයට ගරු කරන අපට ගැටලූවක් නැත.
දැන් ලියන්නට තිබෙන්නේ හොඳම හරියයි. එය කෙටියෙනුත්, සරලවත් ලියා තබමි. මේ ලිපිය ලියන අද වනවිට මගේ වයස අවුරුදු 25කුත් මාස 7කුත් දින කිහිපයක් ගෙවී ගොසිනි. අපි රාජ්‍ය සේවය, සෞඛ්‍ය, අධ්‍යාපන, පොදු ප‍්‍රවාහනය යනාදි සියල්ලේ සිටම කලකිරීමට පත්ව ඇති ජාතියක් වන්නෙමු. රටේ සියලූ ක්ෂේත‍්‍ර වලපල්ලට ගොසිනි. මේ රටේ ජනතාව විශේෂයෙන්ම තරුණ ප‍්‍රජාව රට පිළිබඳව, රටේ රාජ්‍ය සේවය ඇතුළු සියලූ ක්ෂේත‍්‍ර පිළිබඳව කලකිරීමට පත්ව සිටිමු. එසේ තිබියදී වුවද අපි යහපත් රටක් ගැන බලාපොරොත්තු තබා සිටිමු. රටට ආදරය කරමු. රට ගැන අපට තිබෙන කලකිරීමට පක්ෂ විපක්ෂ භේදයක් නැත. ආගම්, කුල, මල භේදයක් නැත. බොහෝ දෙනාගේ අදහස වී ඇත්තේ මේ රටින් පිටවීමය. ආසියානු පවුල් පසුබිම තුළ අම්මා තාත්තා හා ආදරණීයයන් අත්හැර යාම පිළිබඳ ප‍්‍රශ්නය නොවන්නට මේ රටේ තරුණ ප‍්‍රජාවගෙන් වැඩි දෙනා මේ රටින් නික්ම ගොසිනි. අනෙක් අතට සාමාන්‍ය පුරවැසියකුට විදේශ ගත වීම ද සුළු පටු නොවේ. එවැනි තත්ත්වයක් තුළ මැති ඇමැතිවරු කැස්සට හෙම්බිරිස්සාවට ද හිටි හැටියේ සිංගප්පූරුවේ මවුන්ට් එළිසබෙත් යති.
අද විනාශයෙන් විනාශයට ගමන් කරමින් තිබේ. එකී විනාශය ඉක්මන් කිරීම සඳහා ඔබ පාර පෙන්වා ඇත. මහින්ද රාජපක්ෂ පාලන සමයේ අවසන් භාගයේදී වේගයෙන් ද සිරිසේනxවික්රමසිංහ සමයේදී නැවතත් වේගයෙන් ද රට වළපල්ලට යමින් තිබේ. අද ඔබ ඇතුළු පාර්ලිමේන්තු මන්ත‍්‍රී‍්‍රවරුන් 225 දෙනා සහ ප‍්‍රාදේශීය සභාවේ සිට පළාත් සභාව දක්වාත් රාජ්‍ය නිලධාරීනුත් ලැජ්ජා සහගත ලෙස සෙල්ලම් කරමින් සිටින්නේ අපේ අනාගතය සමඟය. අපට පසු පරම්පරාවල අනාගතය සමඟය. මේ රටේ නූපන් පරම්පරාවල අනාගතය සමඟය. අපි ඔබ ගැන අපි ගැනත් ලැජ්ජා විමු. අපට පෙර පරම්පරාවල නිහඬ බව සහ මුග්ධ බව නිසා අද අපට මෙවැනි රටක් උරුම වී තිබේ. එසේ විනාශයට පත් වූ රටක ද වුවද අපි ආදරය කරන්නේ තුවාල සුවපත් කරගැනීමට හැකියාවක් තිබෙන නිසාය. අපි ජීවත් වන්නේ පුස්තකාලයකට ගිනි තැබූ රටකය. ආගමික ස්ථානවලට බෝම්බ ගැසූ රටකය. මේ සියල්ලට හේතුව පාලකයන් සහ නිහඬ හා මුග්ධ වැඩිහිටි පරම්පරාවල හැසිරීමය. පාලකයන්ගේ කැලෑ පාලනයේ ප‍්‍රතිඵලය. එහි ප‍්‍රතිඵල ලෙස ආවේගශීලි තරුණයන්ගේ කැලෑ හැසිරීමය.
මෙවැනි තත්ත්වයක් මැද මේ අර්බුදය කඩිනමින් විසඳන්නැයි මම ඔබෙන් ගෞරවයෙන් ඉල්ලා සිටිමි. තරුණයන්ගේ කැලෑ හැසිරීමකට ඉඩ නොතබන්න. ආණ්ඩුක්රම ව්‍යවස්ථාවට අනුවත්, නීතිගරුක් ලෙසත් සදාචාර සම්පන්න ලෙසත් මෙම අර්බුදය විසඳා ජනාධිපතිවරණයක් සහ මහ මැතිවරණයක් පවත්වන්නැයි ගෞරවයෙන් ඉල්ලා සිටිමි.
අප නැතත්, නූපන් පරම්පරා අපටත් ඔබටත් අප සියලූ දෙනාගේ හත්මුතු පරම්පරාවලටත් සාප කරනු ඇත. මට නම් නූපන් පරම්පරාවලට සාපයට ගොදුරු වීමේ කිසිදු අවශ්‍යතාවක් නැත. අපේ සාපයට ගොදුරු වී ඇති ඔබත් ඇත-ුළු සියලූ දෙනා අවම තරමේ එම සාපයෙන් හෝ මිදෙන්නට උත්සාහ කරන්න.
ස්තූතියි.
අන්තර්ජාල ලිපියක් බැවින් අස්සන් අනවශයයි.
මෙය දෙවරක් කියවා නැත. ව්‍යාකාරණ දෝෂ ඇතුළු දෝෂ තිබිය හැකිය.
හර්ෂණ තුෂාර සිල්වා
මාධ්‍යවේදී/ශිෂ්‍ය
ශ්රී ලංකා ප‍්‍රජාතන්ත‍්‍රවාදී සමාජවාදී ජනරජයේ
ප‍්‍රජාතන්ත‍්‍රවාදයට ගෞරව කරන තරුණ පුරවැසි
2018.11.16
පිටපත්
රනිල් වික්රමසිංහ
මහින්ද රාජපක්ෂ
ඡායාරූපය - රොයිටර්
