පාප්තුමෝ

ආගම් භේදයකින් තොරව වත්මන් ලෝකයේ සිටින ඉහළම සහ ප‍්‍රධානතම ශාස්තෘවරයා වනුයේ අති උතුම් ශුද්ධෝත්තම පාප්වහන්සේය. එය ආගම් භේදයකින් හා කුහකත්වයකින් තොරව ප‍්‍රකාශ කළ යුතුයි. වත්මන් පාප්වහන්සේගේ කි‍්‍රයා කලාපය මුළු මහත් ලෝකයේම කතාබහට ලක්වී ඇත්තේ, එතුමෝ ලෝක සාමය උදෙසා නගන හඬ නිසා පමණක් නොව කතෝලික කි‍්‍රස්තියානි බෞද්ධාගමික හා ඉස්ලාම් ඇතුළු සෑම ආගමකම මනුෂ්‍යයන්ට දක්වන හා කරුණාව හේතුකරගෙනය. අති උතුම් පාප්තුමෝ ශ්‍රී ලංකාව සංචාරයක නිරත වීමට නියමිත අතර එය කතෝලික ජනතාවගේ මෙන්ම ශ්‍රී ලාංකිකයන් වශයෙන් අප සැවොම නොඉවසිල්ලෙන් බලා සිටින්නාක් මෙන්ම, එය ශ්‍රී ලාංකික පුරවැසියන් අප ලබන මහත් ගරුත්වයකි. එහෙත් මේ වනවිට උන්වහන්සේගේ මෙරට ආගමනය දේශපාලනීකරණය වී ඇති බවට මෙරටින් පමණක් නොව විදෙස් රටවලින්ද චෝදනා එල්ල වෙමින් පවතින අතර ජනපතිවරණයෙන් දින පහකට පසුව යෙදී ඇති උන්වහන්සේගේ මෙරට සංචාරය කල්දමන ලෙස බොහෝ පාර්ශව ඉල්ලා ඇත. කෙසේ නමුත් මේ සම්බන්ධයෙන් වතිකානය නිල ප‍්‍රකාශයක් සිදුකර නැත. යම්හෙයකින් උන්වහන්සේ නියමිත පරිදි හෝ පසුව හෝ මෙරට සංචාරය කළේ නැතිනම් එය අපේ පවකි. එහෙයින් එම පවට මෙරට දේශපාලකයෝ සියලූ දෙනා වගකිව යුතුය. ඔවුහු පක්ෂ භේදයකින් තොරව ඊට වගකිව යුතුය. අවසානයේ කිය යුතුව ඇත්තේ, පිරිසුදු ශුද්ධ සිංහලෙන් කියන්නේ නම්, පාප්තුමෝ මෙරටට නියමිත දින හෝ පසුව හෝ ශ්‍රී ලංකාවේ සංචාරය නොකළහොත් මෙරට සියලූ දේශපාලකයන්ට පක්ෂ භේදයකින් තොරව හෙණ ගැසිය යුතුය.