මෛතී‍්‍රපාල සිරිසේන මහතා නිදහස් අධ්‍යාපනය විකුණනවා යැයි මහින්ද රාජපක්ෂ මහතා ඇතුලු ආණ්ඩුවේ මැති ඇමැතිවරු කියන පට්ටපල් බොරුව ගැන සොයා බලන්න..මෛතී‍්‍රපාල සිරිසේන මහතාගේ ප‍්‍රතිපත්ති ප‍්‍රකාශයේ ඇත්තේ විශ්වවිද්‍යාල වරම් නොලබන, ඊළගට සිටින හොදම කණ්ඩායමට විශ්වවිද්‍යාලයට ඇතුලුවීමට ඉඩ කඩ දෙනවා යන්නය. ඒ මුදල් අයකිරීමක් මතය. විශ්වවිද්‍යාලය වරම් නොලබන බොහෝ පිරිස් සාමාන්‍යයෙන් කරන්නේ ද මුදල් ගෙවා උසස් අධ්‍යාපන ආයතනයකින් හෝ පෞද්ගලික විශ්වවිද්‍යාලයකින් අධ්‍යාපනය ලැබීමය. එම අවස්ථාව ලබා දෙන්නේ ශිෂ්‍ය ණය ක‍්‍රමයක් යටතේය. එම කොටස ඕනෑම කෙනෙකුට මෛතී‍්‍රපාල සිරිසේන මහතාගේ ප‍්‍රතිපත්ති ප‍්‍රකාශය ගෙන බැලිය හැකිය. එය 41 වැනි පිටුවේ. මහින්ද රාජපක්ෂ ජනපතිතුමනි. ඔබතුමා සමඟ අපට පෞද්ගලික තරහක් නැත. බොරුවෙන් තොර, නිවැරැුදි දේශපාලනයේ යෙදෙන්නැයි අපි ඉල්ලමු. තාර්කික, තර්ක විතර්ක, ප‍්‍රතිපත්ති මත කෙරෙන දේශපාලන සටනක් නැරඹීමට අපි ද කැමැත්තෙමු.