යහපාලනය යනු බඩුවල මිල අඩුකිරීම පමණක් නොවේ.....

දැන් අයවැය දීලා හැමෝටම හරි සතුටුයි. ඇත්තටම අපිටත් සතුටුයි..අපේ ගෙදර වගේම ගොඩක් තැන්වල ප‍්‍රශ්න මම දැකලා තියෙනවා..රුපියල් දාහක් ගෙනිච්චාම ගේන්න පුලූවන් දේවල්. දරුවෝ ඉන්න ගෙදරක අධ්‍යාපනයට කෑමට බීමට බෙහෙත් වලට කොච්චර වියදම් වෙනවාද..අම්මලා කොහොමද ආර්ථික වියදම්, තියෙන ඔක්කොම එකතු කරලා ගැට ගහගන්නේ කියන දේ..මනුස්සයෙකුට සාමාන්‍ය ලෙඩක් දුකක් ඇරුණාම වෙනත් ලෙඩක් හැදුණොත්, ඒ පවුලම අන්ත අසරණ වෙනවා..බෙහෙත් වලට යන වියදමත් එක්ක..මොකද අපේ නිදහස් සෞඛ්‍යයේ ප‍්‍රතිලාභවල හැටි එහෙමයි. පුංචි සැත්කමක් කරන්න ගියත්, හැමදේම පිටින් ගේන්න ඕන...මේ රටේ එකෙක්වත් බඩගින්නේ මැරෙන්නේ නැහැල්ලූ. දවසක් නොකෑවා කියලා මැරෙන්නේ නැහැ. අන්ත දුප්පත් කෙනෙකුට වුනත් ඊළඟ දවස බඩ පුරවාගන්න ලැබෙනවා මොනවාහරි. අඩු ගානේ පේරා ගෙඩියක් හරි කාල ඉන්න පුළුවන්... කොස් ගෙඩියක් තම්බාගෙන කාලා ඉන්න පිරිස් ඕනෑ තරම් ඉන්නවා..නොකා නොබී කවුරුත් මේ දීපයේ මැරෙන්නේ නැහැ කියලා අපි පුරසාරම් දෙඩුවට, එහෙම නොකා නොබී ඉන්න කොයිතරම් දුක්ක විඳිනවද...තමන්ගේ දරුවන්ගේ බඩ පුරවන්න අම්මලා තාත්තාලා කොයි තරම් බඩ ගින්නේ ඉන්නවාද...කොළඹ කොයිතරම් එහෙම පවුල් ඉන්නවද..අපිට හැමෝගෙම බඩවල් පුරවන්න බැහැ. බුදුන් වහන්සේ වැඩියත්, කවුරු ආවත් හැමෝගෙම බඩවල් පුරවන්න බැහැ..ඒක ලෝක ස්වභාවය..නමුත් එහෙම කුස ගින්නේ ඉන්න ප‍්‍රමාණය අඩු කරන්න අපිට පුළුවන්...ඒක නිසා මතක් කළ යුතු දෙයක් වෙයි. ඒ බඩු මිල අඩුකිරීම යනු යහ පාලනය නොවන බවත් එය එහි කොටසක් පමණක් බවත්ය. එහෙයින් පොරොන්දු වූ ප‍්‍රතිසංස්කරණ ඉෂ්ඨ කළ යුතුයි. දින සියයෙන් කරගැනීමට අපට අවශ්‍යතාවයක් නැහැ. අපට අවශ්‍ය වනුයේ නිවැරැුදිව, බුද්ධිමතුන්ගේ , සිවිල් සමාජයේ, උතුරු දකුණු පළාත් දෙකේ ජනතාවගේ අදහස් විමසා ඉදිරිපත් කරන කල්පවත්නා, සමාජයට වගකියන විනිවිදභාවයෙන් යුතු ප‍්‍රතිසංස්කරණය. කුසගින්නේ සිටින ප‍්‍රමාණය අඩු කළ හැක්කේ ද එවැනි ප‍්‍රතිසංස්කරණවලිනි.