ගත වූ දින තුනක කාලය අතිශය තීරණාත්මක දින කිහිපයකි. ශ්‍රී ලංකා වාසි අපට පමණක් නොව, ලොව වටා සිටින සියලූ දෙනාටම අතිශය අසීරු දින කිහිපයක් විය. කොළඹ මරදානේදී ඬේලි මිරර් පුවත්පතේ මාධ්‍යවේදියකුය පහරදීමකින් ඇරඹුණු මෙම සිදුවීම් දාමය අවසන් වූයේ අද සවස 4 කණිසමටය. එමෙන්ම අද දිනය ශ්‍රී ලාංකේය මාධ්‍ය ක්ෂේත‍්‍රයේ ඉතිහාස ගත දිනයකි. ජ්‍යෙෂ්ඨ මාධ්‍යවේදී ලසන්ත වික‍්‍රමතුංග ඝාතනය කරන්නේ අද වැනි දිනයකය. බණ්ඩාරනායකයන්ගේ ඡුන්ම දිනය යෙදී ඇත්තේද අද වැනි දිනකය. මීට වසර පහකට පෙර මෙවැනිම සිදුවීම් දාමයක ඇරඹෙන්නේ ජනවාරි 6 වැනිදාවක සිරස ආයතනයට එල්ල කරන ප‍්‍රහාරයත් සමගය. එහෙයින් බලා හිදිමු.ඊයේ දිනයේ ප‍්‍රංශයේ පැරිස් නුවර පිහිටි චාර්ලි හෙබ්ඩෝ කාටුන් සඟරාවේ මාධ්‍යවේදීන් ඝාතනය මුළු මහත් ලෝකයටම එල්ල වූ මරු පහරකි. පෑනකට පෑනකින් පිළිතුරු දීමට නොහැකි වූ ඔවූහු අවසානයේ උණ්ඩු මඟින් පෑන නිහඬ කිරීමට ගත් ලැජ්ජාගත උත්සහය නිහඬ මිනිසුන් රැුසක් අවදිකිරීමට හේතුවිය. ඉන් අනතුරුව ආරම්භ වූයේ ශ්‍රී ලංකා ඉතිහාසයේ අතිශය තීරාණාත්මක ජනපතිවරණයකි. බොහෝ දෙනා මෙම ජනපතිවරණය හැඳින්වූයේ ශිෂ්ඨත්වයත් අෂිශ්ඨත්වයත් අතර සටනක් ලෙසය. අවසානයේ නොසිතු විරූ ලෙස ඡුන්ද විමසීම් සාමකාමී ලෙස අවසන් විය. එහෙත් තීරාණාතාත්මක කාලය එළැඹෙණු ඇත්තේ මැතිවරණ ප‍්‍රතිඵල නිකුත් වීමත් සමඟය. විදෙස් පුවත් සේවා මෙන්ම සමාජ ජාල වෙබ් අඩවිද වාර්තා කර තිබුණේ අරලියගහ මන්දිරය හා ස්ථාන කිහිපයක කිසිදු හේතුවක් නොමැතිව හමුදාව යොදවා ඇති බවය. තවත් සමහර වාර්තාවලින් දැක්වුණේ ඔවුන් නිවැරැුදිව හමුදා සාමාජිකයන් ද යන්න හඳුනාගැනීමටද නොහැකි බවය. නමුත් කිසිදු තොරතුරක් ස්ථීර නොමැති බවද සඳහන් කරමු. අප බලා හිඳිමු. ඉල්ලීමට ඇත්තේ ප‍්‍රචණ්ඩත්වයෙන් තොරව සාමකාමී ලෙස කටයුතු කරන ලෙසය.